January 16, 2018 admin@mythanjavur.com An Everlasting Cholan Empire....
Blog
Home / General / சங்கத் தமிழ் மூன்றும் தா … !

சங்கத் தமிழ் மூன்றும் தா … !

16

அன்பிற்கினிய தமிழ் மக்களுக்கு, என் வணக்கங்கள். MyThanjavur வலைதளத்தில் என் முதல் பதிவு இது. இன்றைக்கு தான் பிள்ளையார் சுழி இட்டு ஆரம்பிக்கிறேன். உங்கள் அன்பும் ஆதரவும் நாடுகிறேன்.

சரி சரி, விஷயத்திற்கு வருவோம். இன்று நாம் சில அரிய தகவல்களை அறிய போகிறோம். என்ன எல்லாரும் முழிக்குறீங்க ? தயவு செய்து மேலே படிங்க !


தமிழ் வளர்த்த மூன்று சங்கங்கள்

பழங்கால மரபிலக்கியப் படி, பாண்டிய மன்னர்கள் சங்கங்கள் தோற்றுவித்து தமிழ் மொழியை வளர்த்தார்கள். கூடவே , தமிழ் மொழி புலமையையும், தமிழ் மக்களின் வாழ்க்கை நெறிகளையும் போற்றினார்கள். பண்டைய தமிழர்களின் அக புற ஒழுக்கங்கள், அரசியல், வீரம், வழிபாடு, விழாக்கள், ஆடல், பாடல், ஓவியம், சிற்பம் போன்ற கலைகள் ஆகியவற்றிற்கு சான்றாக விளங்குவதே சங்க காலத்தில் இயற்றப்பட்ட பாடல்களே !

அச் சங்கங்களை மூன்று வகையாக தலைச் சங்கம், இடைச் சங்கம், கடைச் சங்கம் என பிரித்தனர்.

அவற்றை பற்றிய அரிய தகவல்கள், இதோ இங்கே !

சங்கத்தின் பெயர் : தலைச் சங்கம்

நிறுவுனர் : அகத்திய முனிவர்

தலைவர் : விரிசடைக் கடவுள்

அமைவிடம் : தென் மதுரை

தென் மதுரை பற்றிய ஒரு சிறு குறிப்பு : கடலுக்குள் மூழ்கி போன குமரி கண்டத்தில் அமையப் பெற்ற இந்த மாநகரம் தென் மதுரையானது, பாண்டிய அரசர்களின் முதல் தலை நகரம் ஆகும்.

தொடக்கம் : கி.மு. 9000 ( நக்கீரரனாரால் கணிக்கப் பெற்றது )

ஆயுள் காலம் : 4400 ஆண்டுகள்

புலவர்களின் எண்ணிக்கை : 4449

பின்பற்றப்பட்ட இலக்கண நூல் : அகத்தியம்

படைக்கக்பெற்ற நூல்கள் : பரிபாடல், முதுநாரை’, முதுகுருகு, களரியாவிரை

ஆண்ட அரசர்கள் : 89 பேர் ; ‘காய்சின வழுதி’ முதல் ‘கடுங்கோன்’ வரை

ஆறு : பஃறுளி ஆறு

மலைத் தொடர் : பன்மலை அடுக்கு

ஆதாரங்கள் :

தலைச்சங்கம் பற்றிய ஆதாரங்கள் அனைத்தும் கி.மு. 2387 ஆம் ஆண்டளவில் ஏற்பட்ட கடற்கோளாறினால் அழிந்திருக்கும் என்பதே வருந்தத்தக்க செய்தியாகும்.

 

சங்கத்தின் பெயர் : இடைச் சங்கம்

அமைவிடம் : கபாடபுரம்

கபாடபுரம் பற்றிய ஒரு சிறு குறிப்பு : கபாடபுரம் பாண்டிய மன்னர்களின் இரண்டாவது தலை நகரம் ஆகும். இந்த நகரமும் கடலுக்குள் மூழ்கி போன குமரி கண்டத்திலே தான் அமைந்து இருந்தது.

தொடக்கம் : கி.மு. 4600 ( நக்கீரரனாரால் கணிக்கப் பெற்றது )

ஆயுள் காலம் : 3700 ஆண்டுகள்

புலவர்களின் எண்ணிக்கை : 3700

பின்பற்றப்பட்ட இலக்கண நூல்கள் : அகத்தியம், பூதப்புராணம், இசை நுணுக்கம், மாபுராணம், தொல்காப்பியம்

படைக்கக்பெற்ற நூல்கள் : கலி, குருகு, வெண்டளை, வியாளமலை அகவல்.

ஆண்ட அரசர்கள் : 59 பேர் ; ‘வெண்தேர் செழியன்’ முதல் ‘முட்டதுத் திருமாறன்’ வரை

ஆதாரங்கள் :

இந்த சங்கம் இருந்தமைக்கு ஆதாரங்கள், வால்மீகி ராமாயணத்தின் கிஷ்கிந்தா காண்டத்தில் குறிப்பிடப்பட்டுள்ளது. அர்த்தசாத்திரம் நூலில் கௌடில்ய மகரிஷியும் இதை பற்றி எழுதி உள்ளார். இச் சங்கம் மூன்றாம் கடற்கோளால் அழிந்தது. தொல்க்காப்பியத்தை தவிர ஏனைய நூல்கள் அனைத்தும் அழிந்தன.


சங்கத்தின் பெயர்
: கடைச் சங்கம்

நிறுவனர் : பாண்டியன் முட்டதுத் திருமாறன்

அமைவிடம் : மதுரை ( வைகை ஆற்றங்கரையில் அமைந்துள்ள தற்போதைய மதுரை மாநகர் )

தொடக்கம் : கி.மு. 900 ( நக்கீரரனாரால் கணிக்கப் பெற்றது )

ஆயுள் காலம் : 1850 ஆண்டுகள்

புலவர்களின் எண்ணிக்கை : 449

பின்பற்றப்பட்ட இலக்கண நூல்கள் : அகத்தியம், தொல்காப்பியம்

படைக்கக்பெற்ற நூல்கள் : குறுந்தொகை, நெடுந்தொகை, குறுந்தொகை நானூறு, நற்றினை நானூறு, புறநானூறு, ஐங்குறுநூறு, பதிற்றுப்பத்து, கலி பரிபாடல், குத்து, வரி, சிற்றிசை, பேரிசை, திருக்குறள்

ஆண்ட அரசர்கள் : 49 பேர் ; ‘முட்டதுத் திருமாறன்’ முதல் ‘உக்கிர பெருவழுதி’ வரை. முட்டதுத் திருமாறன், கபாடபுரம் விட்டு வெளியேறி மதுரையில் ஆட்சி அமைத்தான்.

ஆதாரங்கள் :

கடைச் சங்கத்தைப் பற்றி பத்தாம் நூற்றாண்டில் பாண்டிய மன்னர்களால் செதுக்கப்பட்ட சின்னமனூர் கல்வெட்டு தான், தொல்லியல் துறைக்கு கிடைத்த முதல் ஆதாரம் ஆகும்.

குமரிக் கண்டம்

குமரிக் கண்டம்

முக்கிய குறிப்பு :

இந்த பதிவில் குறிப்பிடப்பட்டுள்ள விவரங்கள் விக்கிபீடியாவில் திரட்டியது. சங்கங்கள் இருந்தது உண்மையான விடையம் ஆனாலும் ஆதாரத்துடன் நிரூபிக்கப் படவில்லை. இன்றும் இவற்றை பற்றிய ஆராய்ச்சிகளும் விவாதங்களும் தொடர்கின்றன.

நன்றி : விக்கிபீடியா

Showing 16 comments

  • Ganesh Anbu
    Reply

    மிகவும் அருமையான பதிவு பாராட்டுகள் உங்கள் எழுத்து பணி சிறக்கட்டும் தொடர்து எழுதுங்கள் மேலும் பல அரிய தகவல்களை எங்களுக்கு வழங்கவும் வாழ்த்துக்கள்

  • Govindarajan Subramaniam
    Reply

    கருணாமிருத சாகரத்தில் கூறியபடி, விக்கியில் சில செய்திகளை மாற்ற வேண்டியிருக்கும்; கருணாமிருத சாகரம் அத்தாட்சியுடையது என்ற அடிப்படையில். அவை கீழே கொடுக்கப்படுகிறது.
    ௧. சங்கங்கள் மூன்று வகை அல்ல. காலக்கோட்டில் மூன்று சங்கங்கள் ஒன்றன்பின் ஒன்றாக இருந்தன
    ௨.நக்கீரனாரால், தலைவர் நிறுவனர் என்றெல்லாம் பிரிக்கப்படவில்லை; இவை இருபதாம் .நூற்றாண்டின் சொற்கள்.
    ௩. அகத்தியருடன் குன்றெறிந்த முருகவேளும், முரிஞ்சியூர் முடிநாகராயரும், நிதியின் கிழவனுமென மொத்தம் ௫௪௮ பேர் இருந்தனர். (நிதியின் கிழவன் என்பது இந்திரனைக் குறிக்கும்.?). இதிலிருந்து இந்தச் சான்றுகளை முற்றிலும் வரலாற்றுச் சான்றுகளாகக் கொள்ள இயலாது என்பது தெளிவாகிறது. எனினும் வரலாற்றுத்தொன்மையை மறுப்பதற்கில்லை. கால வித்தியாசம் மட்டுமே இருக்கும்.
    ௪. நக்கீரனார் காலத்தைப்பற்றி முற்றிலுமாக எதுவுஞ் சாகரத்தை சொல்லவில்லை; ஒவ்வொரு சங்கமும் எத்துனையாண்டுகள் இயங்கின என்பதை மாத்திரமே சொன்னார். கருணாமிருத சாகரத்தின் பக்கம் இங்கு கொடுக்கப்படுகிறது. ,
    ௫. பன்மலையடுக்கு என்பது ஒரு மலைத்தொடரைக் குறிக்கும் பொதுச் சொல்; ஒரு குறிப்பிட்ட மலைத்தொடரைக் குறிக்காதிருக்கலாம்.
    ௬. தொல்காப்பியமே பொருளதிகாரத்தில் வாழ்க்கையிலக்கணத்தைக் குறிப்பதால், தலை, இடைச்சங்க காலத்து இலக்கியங்களை இலக்கண நூல் என்றும் இலக்கிய நூல் என்றும் பிரித்தல் கடினம்.
    ௭. இரண்டு கடல்கோள்கள் ஏற்பட்டன. முதற்கோளுக்கு முன் தென் மதுரையும், பின் கபாடபுரமும், இரண்டாம் கோளுக்குப் பின் இன்றைய மதுரையும் தலை நகரங்கள்.

  • Vijaykaran Bhaskaran
    Reply

    Thank you collecting details and sharing.. keep continue your valuable research

  • Musique Lounje
    Reply

    Thanks for your encouragement and support @ MyThanjavur Admins !

  • Govindarajan Subramaniam
    Reply

    உங்கள் முதல் முயற்சியே ஒரு அத்தியாவசியமான கட்டுரையாக இருக்கிறது. வாழ்த்துகள். விக்கியிலிருந்து வரலாற்றுச் செய்திகளை சேகரிக்கும்போது நம்பகத்தன்மையை உறுதி செய்துகொள்ளவேண்டும். உதாரணம் : தாயுமானவர் பிறந்த ஊர், வேதாரண்யம் என்றும திருச்சிராப்பள்ளி என்றும் ஆங்கில, தமிழ் விக்கிகளில் இருக்கின்றனன. நிறைய சேகரியுங்கள்; நிறைய பகிருங்கள்.

  • Musique Lounje
    Reply

    வணக்கம் ஐயா. உங்கள் வாழ்த்துக்களுக்கும் உங்கள் கருத்துக்களை பகிர்ந்தமைக்கும் என் நன்றிகள்.

    நீங்கள் சொல்வது உண்மை தான். விக்கியில் சங்கங்கள் பற்றி பல கட்டுரைகள் உள்ளன. பல வலைதளங்களிலும் முரணான கருத்துக்களுடன் சில செய்திகள் உள்ளன. நான் கிட்டத்தட்ட பத்து கட்டுரைகளை படித்து விட்டு தான் அவற்றை தொகுத்தேன். கடல் கோளினால் அழிவுற்றதால் எதுவுமே இன்னும் நிரூபிக்கப் படவில்லை என்பதே பலரது கருத்து. இதையும் நான் இறுதியில் குறிப்பிட்டிருக்கிறேன்

    எனினும், உங்கள் அறிவுரையை ஏற்று இனி வரும் கட்டுரைகளை மேலும் நன்கு ஆராய்ந்து எழுதுகிறேன். நன்றி.

  • Musique Lounje
    Reply

    தகவல்களுக்கு நன்றி ஐயா. கருணாமிருத சாகரம் பற்றி நான் அறியேன். இந்த நூலை கண்டிப்பாக வாங்கி படிக்கிறேன்.

  • Musique Lounje
    Reply

    உங்கள் ஊக்கத்திற்கு நன்றி @ Ganesh Anbu

  • Govindarajan Subramaniam
    Reply

    இந்த நூல் வெளிவந்து நூறு ஆண்டுகள் ஆகின்றன. மறு பதிப்பு இல்லை. http://www.thamizharnagarigam.com என்ற தளத்தில் வெளியிட்டிருக்கிறேன். படிக்க நேரமாகும். பொறுமையுடன் காத்திருந்து படிக்கவேண்டும்.

  • Suresh Kumar
    Reply

    Wonderful Writing…Good Research… Keep going.. Best wishes 🙂

  • Musique Lounje
    Reply

    Thanks for your encouraging words Suresh Kumar

  • Lokesh Arun
    Reply

    மிக அருமை , மிக எளிமை

    உங்களுக்குள்ள தமிழ் ஆர்வம் அனைவர்க்கும் வர ஆசை படுகிறேன் …

    பூர்விகத்தை உத்திர பிரேதேசம் ஆக கொண்ட உங்கள் தமிழ் ஆர்வம் வியப்பு அளிக்கின்றது.

    வாழ்த்துகள்…

  • Musique Lounje
    Reply

    Ungal Anbirkkum aadharavirkkum nandri Lokesh Arun. 🙂

  • Govindarajan Subramaniam
    Reply

    குமரிக் கண்டம். குமரிக் காண்டமில்லை. தமிழ் தட்டச்சு சற்று கடினமே.

  • Ganesh Anbu
    Reply

    (Y)

  • Musique Lounje
    Reply

    ஆம் ஐயா. வேகமாக அடிக்கும் போது தவறாகி விட்டதென நினைக்கிறேன். சுட்டி காட்டியதற்கு மிக்க நன்றி. பிழையை திருத்தி விட்டோம் 🙂

Contact Us

For Immediate quires Please contact here...